ਪੰਜਾਬ

15 ਦਿਨਾਂ ਬਾਅਦ ਖੁੱਲ੍ਹਿਆ ਮਾਨਸਾ ਦਾ ਤਿਕੋਣੀ ਚੌਕ, ਸਿਰਸਾ-ਬਰਨਾਲਾ ਰੋਡ ‘ਤੇ ਆਵਾਜਾਈ ਬਹਾਲ

15 ਦਿਨਾਂ ਬਾਅਦ ਖੁੱਲ੍ਹਿਆ ਮਾਨਸਾ ਦਾ ਤਿਕੋਣੀ ਚੌਕ, ਸਿਰਸਾ-ਬਰਨਾਲਾ ਰੋਡ ‘ਤੇ ਆਵਾਜਾਈ ਬਹਾਲ

ਸੰਜੀਵ ਜਿੰਦਲ

ਮਾਨਸਾ, 27 ਅਕਤੂਬਰ : 13 ਅਕਤੂਬਰ ਨੂੰ ਪਰਵਿੰਦਰ ਸਿੰਘ ਝੋਟਾ ਦੀ ਹੱਤਿਆ ਤੋਂ ਬਾਅਦ ਪਿਛਲੇ 15 ਦਿਨਾਂ ਤੋਂ ਬੰਦ ਪਿਆ ਸਿਰਸਾ-ਬਰਨਾਲਾ ਰੋਡ ‘ਤੇ ਤਿਕੋਣੀ ਚੌਕ ਦਾ ਰਸਤਾ ਅੱਜ ਖੋਲ੍ਹ ਦਿੱਤਾ ਗਿਆ ਹੈ।

ਐਕਸ਼ਨ ਕਮੇਟੀ ਅਤੇ ਵਪਾਰੀਆਂ ਵਿਚਾਲੇ ਹੋਈ ਮੀਟਿੰਗ ਤੋਂ ਬਾਅਦ ਇਹ ਫੈਸਲਾ ਲਿਆ ਗਿਆ। ਰਸਤਾ ਖੁੱਲ੍ਹਣ ਨਾਲ ਵਾਹਨ ਚਾਲਕਾਂ ਅਤੇ ਬੱਸ ਯਾਤਰੀਆਂ ਨੇ ਰਾਹਤ ਦਾ ਸਾਹ ਲਿਆ ਹੈ। ਧਰਨਾ ਜਾਰੀ ਰਹਿਣ ਕਾਰਨ ਜਾਮ ਤੋਂ ਬਚਣ ਲਈ ਪੁਲਿਸ ਨੇ ਮੌਕੇ ‘ਤੇ ਟ੍ਰੈਫਿਕ ਮੁਲਾਜ਼ਮ ਤਾਇਨਾਤ ਕੀਤੇ ਹਨ।

ਮਾਨਸਾ ਬੱਸ ਸਟੈਂਡ ਤੋਂ ਸਿਰਸਾ, ਬਰਨਾਲਾ, ਲੁਧਿਆਣਾ, ਬਠਿੰਡਾ ਅਤੇ ਚੰਡੀਗੜ੍ਹ ਜਾਣ ਵਾਲੀਆਂ ਬੱਸਾਂ ਹੁਣ ਸਿੱਧਾ ਤਿਕੋਣੀ ਚੌਕ ਤੋਂ ਜਾਣਗੀਆਂ। • ਬਠਿੰਡਾ, ਬਰਨਾਲਾ ਅਤੇ ਚੰਡੀਗੜ੍ਹ ਤੋਂ ਮਾਨਸਾ ਬੱਸ ਸਟੈਂਡ ਆਉਣ ਵਾਲੀਆਂ ਬੱਸਾਂ ਮਾਨਸਾ ਕੈਂਚੀਆਂ ਤੋਂ ਐੱਚਐੱਸ ਰੋਡ ਰਾਹੀਂ ਮਾਨਸਾ ਖੁਰਦ ਦੇ ਰਸਤੇ ਪਹੁੰਚਣਗੀਆਂ। • ਸਿਰਸਾ ਵੱਲ ਦੀ ਸਾਰੀ ਆਵਾਜਾਈ ਹੁਣ ਸਿੱਧੀ ਤਿਕੋਣੀ ਚੌਕ ਤੋਂ ਲੰਘੇਗੀ। ਪਹਿਲਾਂ ਇਹ ਆਵਾਜਾਈ ਭੈਣੀ ਬਾਘਾ, ਖੋਖਰ, ਰਾਮਦਿੱਤੇ ਵਾਲਾ ਰਾਹੀਂ 5-6 ਕਿਲੋਮੀਟਰ ਵਾਧੂ ਘੁੰਮ ਕੇ ਜਾ ਰਹੀ।ਇੱਕ ਪਾਸੇ ਕੇਸ ਰੱਦ ਕਰਨ ਦੀ ਗੱਲ, ਦੂਜੇ ਪਾਸੇ ਅਦਾਲਤਾਂ ਦੇ ਚੱਕਰ – ਪਰਵਿੰਦਰ ਝੋਟਾ ਦੇ ਪਿਤਾ

ਦੂਸਰੇ ਪਾਸੇ ਪਰਵਿੰਦਰ ਸਿੰਘ ਝੋਟਾ ਦੇ ਪਿਤਾ ਅਤੇ ਉਸਦੇ ਸਾਥੀਆਂ ‘ਤੇ ਦਰਜ ਮਾਮਲੇ ਦੀ ਅੱਜ ਅਦਾਲਤ ‘ਚ ਸੁਣਵਾਈ ਹੋਈ। ਅਦਾਲਤ ਨੇ ਅਗਲੀ ਪੇਸ਼ੀ 26 ਨਵੰਬਰ ਤੈਅ ਕੀਤੀ ਹੈ।

ਪੇਸ਼ੀ ਤੋਂ ਬਾਅਦ ਪਰਵਿੰਦਰ ਦੇ ਪਿਤਾ ਨੇ ਕਿਹਾ ਕਿ ਸਰਕਾਰ ਇੱਕ ਪਾਸੇ ਉਨ੍ਹਾਂ ਦੇ ਪੁੱਤਰ ਅਤੇ ਸਾਥੀਆਂ ‘ਤੇ ਦਰਜ ਕੇਸ ਰੱਦ ਕਰਨ ਦੀ ਗੱਲ ਕਰ ਰਹੀ ਹੈ, ਪਰ ਦੂਜੇ ਪਾਸੇ ਉਨ੍ਹਾਂ ਨੂੰ ਪੁਲਿਸ ਵੱਲੋਂ 2023 ‘ਚ ਦਰਜ ਕੀਤੇ ਕਥਿਤ ਝੂਠੇ ਕੇਸਾਂ ਕਾਰਨ ਅਦਾਲਤਾਂ ਦੇ ਚੱਕਰ ਕੱਟਣੇ ਪੈ ਰਹੇ ਹਨ। ਉਨ੍ਹਾਂ ਦੱਸਿਆ ਕਿ ਦੋ ਸਾਲ ਬਾਅਦ ਸੰਮਨ ਮਿਲੇ ਹਨ ਅਤੇ ਪਿਛਲੇ ਇੱਕ ਸਾਲ ਤੋਂ ਉਹ ਲਗਾਤਾਰ ਪੇਸ਼ੀਆਂ ਭੁਗਤ ਰਹੇ ਹਾਂ।

Related Articles

Leave a Reply

Your email address will not be published. Required fields are marked *

Back to top button
Click to listen highlighted text!
error: Content is protected !!